Alain Soirat généalogiste    
Submit to FacebookSubmit to Google PlusSubmit to TwitterSubmit to LinkedIn
monogr hist menardJ'aime beaucoup le texte ci-après, extrait des archives de l'hôtel de ville de Nîmes par M. MENARD dans son histoire de ladite ville, pour la simplicité, la brièveté et la tournure de ses phrases ...

La lecture de ce genre de texte est un intéressant préalable à l'étude paléographique des anciens écrits. La reconnaissance des tournures, des mots et des usages grammaticaux facilitera la transciption.

Confirmation des privilèges de la ville de Nismes par le roi Henri II

An 1547

Henry, par la grace de Dieu roy de France, sçavoir faisons à tous presens & advenir nous avoir receu l'humble supplication de nos chers & bien amez les consulz, bourgeois, manans & habitans de nostre ville & cité de Nysmes, contenant que seuz noz predecesseurs, roys de France, leur ont donné & octroié plusieurs beaulx & grands privileiges, coustumes, usaiges, liberté, franchises, & exemptions, que leur ont esté confirmez par feu nostre très-honnoré seigneur & pere le roy François, dernierement decedé, que Dieu absoille, & d'iceulx ont toujours jouy & usé, jouyssent & usent encore à present paisiblement & sans contredict ne empeschement : toutesfois pour ce qu'ilz doubtent que noz officiers ou aultres leur voulsissent en iceulx mettre ou donner quelque destourbier, s'ils n'avoient sur ce nos lettres de confirmation, ilz nous ont supplié & requis les leur vouloir octroier, & sur ce leur impartir nostre grace & liberalité. Pour ce est-il que nous considerans la bonne, vraye, & entiere loyaulté & fidelité que lesditz supplians ont de toute ancienneté portée & demonstrée par effect à nosditz predecesseurs roys, & à la couronne de France, voullans à cestui nostre advenement à la couronne les bien & favorablement traicter, à iceulx supplians, pour ces causes & aultres à ce nous mouvantz, avons confirmé, continué, louvé, tattifié, & approuvé, & par la teneur de ces presentes, de nostre grace especial, pleine puissance, & auctorité royal, confirmons, continuons, louvons, ratiffions, & approuvons tous & chascuns lesdictz privileiges, coustumes, usaiges, libertez, franchises, & exemptions à eulx concedez, octroiez, & confirmés par nosditz prédecesseurs, & plus à plein contenuz és lettres que leur ont faict expedier, lesquelles sont cy attachées, soubz le contreseel de nostre chancellarie, pour d'iceulx jouyr & user par lesditz expousans & leurs successeurs, tant & si avant & par la forme & maniere qu'ilz ont cy-devant deuement & justement jouy & usé, jouyssent & usent encores de present, jacoit qu'ils ne soyent cy autrement expeciffiés & declairés, & lesquelz nous y tenons pour expecifiez & declairez. Si donnons en mandement par ces mesmes presentes à noz amez & feaulx les gens tenantz nostre court de parlement de Tholoze, genz de nos comptes, & tresoriers à Paris, generaulx de nos finances, au seneschal de Beaucaire et Nysmes, viguier & juge dudict Nysmes, & à tous nos autres justiciers & officiers qu'il appartiendra, que de noz presens confirmation, continuation, ou approbation, il facent, souffrent, & layssent lesditz supplians jouyr & user plainement & paisiblement, sans en ce leur faire, mettre ou donner, ne souffrir estre faict, mis, & donné, ores ne pour le temps advenir, aulcun destourbier ou empeschement ; lequel si faict, mis, ou donné leur avoit esté ou estoit, l'ostent ou facent ouster & mettre incontinent & sans delay, le tout à pleine delivrance & au premier estat & deu. Car tel est nostre plaisir. Et pour ce que de ces presentes l'on pourra avoir affaire en plusieurs & divers lieux, nous voullons que au vidimus d'icelles, faict soubz seel royal, foy soit adjoustée comme à ce present original ; auquel, affin que ce soit chose ferme & estable à tousjours, nous avons faict mettre nostre seel. Donné à Reins, ou moys de Juilhet, l'an de grace M. D. XLVII. & de nostre regne le premier. Par le roy. De Laubespine. Visa, contentor. Bouilloud.
logo geneanaute
Portail généalogique
info passion logo-240px
info soirat-240px
info pasarea-240px
Aller au haut